Татарстанда ял көннәрендә кабат 30 градус эсселек көтелә
Республикага кабат эссе һава торышы килә. Татарстанның Гидрометеорология һәм әйләнә-тирә мохитне күзәтү идарәсе шул турыда хәбәр итте.
23 һәм 24 июльдә явым-төшем ихтималы аз, бары тик шимбә көнне генә урыны белән бераз яңгыр яварга мөмкин. Температура тагын бераз күтәрелеп, +11..+16 градус (23 июльдә) һәм төнлә +12..+17 градус (24 июльдә) булачак. Көндез +24..+29 һәм +25..+30 градуска җитәчәк.
Алдан фаразлаулар күрсәтүенчә, дүшәмбе һәм сишәмбе көннәрендә, нигездә, явым-төшемсез һава торышы саклана. Төнге сәгатьләрдә термометр баганалары +13..+19 градус күрсәтәчәк, көндез +25..+31 градуска кадәр эссе була.
Чыганак: https://tatar-inform.tatar/news/tatarstanda-yal-konnarenda-kabat-30-gradusly-esselar-kila-5857670
Фото: интернеттан
Следите за самым важным и интересным в Telegram-каналеТатмедиа
Нет комментариев