Татарстан халкы җылылык өчен түләүнең суммасына ризасызлык белдерә

Республикада торак-коммуналь хуҗалыгы тармагындагы киеренкелекне бетерү максатыннан "кайнар линия" ачылган. Хәзерге вакытта Татарстан халкын барыннан да элек счет-фактуралардагы җылылык өчен исәпләнгән сумма һәм торак-коммуналь хезмәтләрнең сыйфаты борчый. Быел ТР торак-коммуналь хуҗалыгы өлкәсендә Төбәк иҗтимагый контроль үзәгенә нәкъ менә шундый мөрәҗәгатьләр даими рәвештә килә. Бүген әлеге үзәкнең башкаручы директоры Дмитрий Романов «Татар-информ» агентлыгында узган матбугат конференциясендә шул хакта хәбәр итте. Татарстанда торак-коммуналь хуҗалыгы тармагындагы киеренкелекне бетерү максатыннан кайнар линия (236-29-97) эшли. Шулай ук Төбәк иҗтимагый контроль үзәгендә күпфатирлы йорт милекчеләрен әлеге мәсьәлә буенча кабул итү оештырылган.

Наталья Рыбакова

Татар -информ