Белем бәйрәме белән!

1 сентябрь - һәр гаилә өчен якын һәм кадерле. Ул безнең күңелләрдә онытылмаслык хатирәләр калдыра һәм гомер буе озата бара. Укытучылар өчен дә тынгысыз көннәр башлана. Алар укучыларның сәләтен һәм талантын үстереп, тормышта кирәк булачак кыйммәтле һәм файдалы гыйлем биреп, илебезнең киләчәген җитәкләрдәй көчле шәхесләр тәрбияләүдә зур тырышлык куялар.

Яңа уку елында укучыларга зур уңышлар, яңа казанышлар, яхшы билгеләр, ышанычлы дуслар, күңелле мәктәп тормышы телибез. Ә укытучыларга, ата-аналарга түземлелек, сабырлык, ныклы ихтыяр көче, энергия һәм сәламәтлек юлдаш булсын. Хәерле сәгатьтә! Имин еллар, якты юллар сезгә!

Муниципаль район Советы, муниципаль район башкарма комитеты