Бәйрәм белән!

Хөрмәтле "Теләче" газетасы хезмәткәрләре, матбугат ветераннарыбыз, райондагы актив хәбәрчеләребез!

Бүгенге заман кешесенең тормышы интернет, электрон мәгълүмат чараларына нык бәйле булуга карамастан, яшәешне басма газета-журналлардан башка күз алдына китерү мөмкин түгел. Без халык мәнфәгатьләренә хезмәт итүче, көндәлек тормышыбызны яктыртучы тармакта эшләвебезгә бик шат. Хәбәрчеләребезнең дә иҗаты гөрләп барсын, уй-теләкләрегез тормышка ашсын! Безнең белән һәрчак элемтәдә торыгыз. Сездән кызыклы язмалар көтеп калабыз. Үзегезнең авылда булган хәбәрләрне безнең белән дә бүлешегез.

Хезмәттәшләребезне, хәбәрчеләребезне һөнәри бәйрәмебез белән ихлас күңелдән котлап, барыгызга да ныклы сәламәтлек, гаилә бәхете, имин көннәр, тыныч тормыш телибез.

Баш мөхәррир Ленар Хуҗин.