Гөшер сәдакасын җыяр вакыт килеп җитте

Әссәләмү әлейкүм вә рахмәтулЛаһи вә бәрәкәтүһ!

Хөрмәтле кардәшләр! Гөшер сәдакасын җыер вакыты килеп тә җитте.

Гошер ул – зәкятнең бер төре. Аны елга бер мәртәбә җыелган уңышның уннан бер өлешен фәкыйрьләргә бирү – фарыз (тиешле). Пәйгамбәребез Мөхәммәд Мостафа (с.г.в.) үзенең бер хәдисендә: «Җыеп алынган уңышның яңгыр һәм елга сулары белән үстерелгән өлешеннән уннан берен, ә хезмәт куеп ташылып су сибеп үстерелгән өлешеннән егермедән бер өлеше сәдака итеп бирелергә тиеш», – дигән. Ягъни мәсәлән, йөз чиләк бәрәңге алсагыз, аның ун чиләген гошер сәдакасы итеп бирергә кирәк. Мохтаҗларга, ятимнәргә, сәламәтлеге булмаган кешеләргә, кем үз-үзен тәэмин итә алмый, шуларга өлеш чыгару, бик саваплы. 

Үзегезнең гөшерләрегезне 26чы сентябрь, якшәмбе көнне, Теләче "Ихлас" мәчетенә китерә аласыз.

Биргән сәдакаларыбызны Аллаһ Тәгалә кабуллардан кылсын.