Теләче Информ

Иске Җөридә “Татар кызы - 2021” бәйгесе узды

Бүген, ягъни 5 март көнне, Иске Җөри мәдәният йортында “Мәктәп” проекты кысаларында традицион “Татар кызы - 2021” бәйгесе узды.

“Татар кызы - 2021” титулы өчен унике укучы кыз көч сынашкан быелгы бәйге Туган телләр һәм Халыклар бердәмлеге елына багышлап үткәрелде. Кызларыбызның уңганлыгына, булганлыгына, кул эшләренә, җыр-биюгә һәм нәфис сүзгә осталыгына район мәгариф бүлеге җитәкчесе урынбасары Алия Сабирова җитәкчелегендәге мәртәбәле жюри бәя бирде.

Дүрт сәгатькә якын сузылган ярышта “Татар кызы - 2021”  исемен Иске Җөри урта мәктәбе укучысы Нәргизә Хәйруллина яулады.  Җиңүче тасмасын аның иңнәренә  “Татар егете - 2019” бәйгесе җиңүчесе булган Ислам Вахитов элде. Җиңүче берәү генә булса да, Бәйгедә катнашкан калган яшь  туташларыбыз төрле-төрле номинацияләрдә җиңү яуладылар. Болар хакында һәм бәйгенең ничек узуы хакында сез “Теләче” газетасының киләсе саныннан укып белә аласыз.

Реклама

Фәнил Гаязов.

Автор фотолары.  

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: