Кече Кибәхуҗа җирлегендә юбилярны котладылар
Бу көннәрдә Олы Кибәхуҗа җирлегендә еш булырга туры килде. Җирлекнең авылларында яшәүчеләр үзләренең матур юбилейларын билгеләп узалар.
Хаҗәр апа Сәгъдиевагада 3 март көнне 95 яшь тулды. Аны гомер бәйрәме белән район җитәкчеләре тәбрик итеп, изге теләкләрен җиткереп Россия Президенты Владимир Путинның Котлау хатын һәм истәлекле бүләк тапшырдылар.
Хаҗәр әби - сугыш елларындагы һәм сугыштан соңгы чорның барлык авырлыкларын үз җилкәсендә күтәргән, барысына түзгән буын вәкиле.
- Бүгенге тормыш бик рәхәт, шулай да үткәннәр сагындыра. Рәхәтләнеп эшләр идем әле, эшсез торуны сөймим,- ди Хаҗәр әби.
Бу бәйрәмен туганнары янәшәсендә, аларның хөрмәтен тойган хәлдә каршы алды.
Ак яулыклы, йөзеннән якты нур бөркелгән Хаҗәр апа ил-көнгә тынычлык, барчабызга бәхет теләп калды.
Эльмира Әхмәтҗанова фотолары.
Следите за самым важным и интересным в Telegram-каналеТатмедиа
Нет комментариев