Россия 22 июньнән Төркиягә очышларны яңартачак

22 июньнән Россия Төркиягә очышларны яңартачак, дип сөйләде вице-премьер Татьяна Голикова. Карар илгә килгән Россия инспекциясе бәяләмәсе нигезендә кабул ителде.

Голикова сүзләренә караганда, Төркиядә хезмәт күрсәтү өлкәсендә эшләүче хезмәткәрләргә вакцинация ясалган. Кунакханәләр персоналы арасында вакциналаштырылучыларның өлеше 60-90% тәшкил итә.

Беренче тапкыр Төркия һәм Танзания белән һава юллары бу елның апрелендә чикләнде. Кичә Танзаниягә очышларны чикләү янә озайтылачагы билгеле булды.