Сөйләргә яратмый

Муса абый беренче Балтыйк буе,икенче, өченче Белоруссия фронтында сугыша. Разведкадагы кыюлыгы һәм батырлыгы өчен икенче дәрәҗә Бөек Ватан сугышы ордены белән бүләкләнә.

Сугыш хәтирәләрен сораштырып, бер-бер артлы сораулар яудырсак та, Муса абый ул хакта сөйләргә яратмый. Якыннары: ”Әти, бабаебыз сугышның эчендә кайнаган. Безгә тыныч тормышка сокланырга, хезмәтне яратырга куша”, - диләр. Бүген ул гомер кичергән нигезендә улы Таһир, килене Мингаләм, оныгы Илнур, аның тормыш иптәше Лилия тәрбиясендә яши.