Теләче Информ

«Татарча диктант» акциясендә бер миллионнан артык кеше катнашкан

Диктантны Россиянең 71 төбәгендә, 34 чит илдә 5 меңләп мәйданчыкта — мәчет, мәдрәсә, милли-мәдәни үзәкләрдә, кафе, мәктәп, балалар бакчасында язганнар.

Милли Шура рәисе Васил Шәйхразиев Милли Шура утырышында «Татарча диктант»ны бер миллионнан артык кеше язганын әйтте.

«Татарча диктант»ка бер миллион татарны җәлеп итү максатын куйган идек. Сайттан алган рәсми саннарга күз салсак, быел 1 млн 20 мең кеше диктант язган», — диде ул утырышта.

Реклама

Аның әйтүенчә, диктантны Россиянең 71 төбәгендә һәм 34 чит илдә 5 меңләп мәйданчыкта — мәчет, мәдрәсә, милли-мәдәни үзәкләрдә, кафе, мәктәп, балалар бакчасында язганнар.

«Башкортстан Башлыгы Радий Хәбировка хат юллаганнан соң, ул барлык бурычларны куйган һәм, шулай итеп, Башкортстанның 27 районында диктант яздылар», — диде ул.

Васил Шәйхразиев фикеренчә, киләсе елда да диктантта бер миллион татарны катнаштырып, татар теленең сыйфат дәрәҗәсен арттыру мөһим. «Татар милләте дигәндә, кеше татарча сөйләшергә, укый, яза белергә тиеш, дип әйтәбез. Дөньядагы 8 миллион татарның 1 миллионы диктант язуы — зур горурлык», — диде ул. 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: