Теләче Информ

ТЕХОСМОТР: Яңа кагыйдәләр

Быелның 1 октябреннән машиналарга техосмотр үтү тәртибе үзгәрде. Нинди яңалыклар кертелде?

1. Яңа машинага 3 ел техосмотр узасы түгел иде, хәзер бу вакыт — 4 ел. Аннары 6, 8, 10 елда, алга таба ел саен үтәсе.
2. Хәзер ОСАГО полисы алганда диагностика картасы таләп ителми.
3. ОСАГО белән бәйлелек булмаса да, бу техосмотр үткәрергә кирәкми дигән сүз түгел. Машинасына вакытында техосмотр уздырмаучы йөртүчеләрне ачыклау өчен, бердәм база булдырырга җыеналар. Яңа система буенча, камералар шул база мәгълүматлары нигезендә техосмотрсыз машиналарны ачыклап, хуҗасына 2 мең сум штраф салачак. Көн буена ничә камерага эләксә дә, бер генә штраф килә. Димәк, техосмотрсыз йөрүче көн саен 2 мең сумлык штрафка тартылырга мөмкин.
4. Техосмотрны дәүләт аккредитациясе узган махсус үзәкләр генә үткәрә ала. Бу эш кимендә ярты сәгать вакытны алачак.
5. Бәя арта. Татарстанда бу сумма 1 мең сум чамасы билгеләнгән. Мәскәүдә — 720, Питерда 880 сум алачаклар.

Реклама

Чыганак

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: