ВОЗ: вакцинация кирәклеген тест нәтиҗәләре буенча гына бәяләргә кирәкми

Бөтендөнья сәламәтлек саклау оешмасы вакцинация буенча карар кабул итү өчен антитәнчекләргә тестлар ясарга киңәш итми

Бу хакта Бөтендөнья сәламәтлек саклау оешмасының Россиядәге рәсми вәкиле Мелита Вуйнович белдерде.

"Иммунитетны бәяләү катлаулы мәсьәлә булып тора һәм төрле фәнни дәрәҗәдәге һәм катлаулы лабораторияләр булуны таләп итә. Гадәти тестлардан карап кына билгеле антитәнчекләрнең булуы, аларның нейтральләштерелмәгән антитәнчекләр булу-булмавын, ягъни вирусны туктата алулары турында әйтеп булмый, шуңа күрә ВОЗ бу төр тестларны тәкъдим итми", - диде ул.