Яхъя һәм Гөлия Абдуллиннар - үрнәк гаилә

 Тантана Казан Кремлендә үткәрелде. Анда Татарстанның төрле районнарыннан һәм шәһәрләреннән 44 гаилә чакырулы иде. Алар арасында Олы Кибәхуҗа авылыннан Яхъя һәм Гөлия Абдуллиннар да бар иде. 

"Сезнең һәркайсыгыз икътисадның һәм социаль өлкәнең вәкилләре булып тора. Арагызда педагоглар, табиблар, авыл хезмәтчәннәре, төзелешләр, нефть һәм химия өлкәсендә эшләүчеләр бар. Үзегезнең намусыгыз һәм хезмәтегез белән хәзерге Татарстанны яшәтәсез, илебезнең рухи һәм икътисади потенциалын арттырасыз. Өстегезгә бик зур һәм җаваплы хезмәт — әти-әни вазыйфасын йөкләгәнсез”, - диде Президент кунакларга мөрәҗәгать итеп һәм рәхмәт әйтеп.