Ильшат Вәлиуллин: «Сез үскәндә дөньялар тыныч, күк йөзе аяз булсын иде!»
Күптән түгел Алан мәдәният йортында махсус хәрби операциядә катнашып, каты яраланып дәваланганнан соң, вакытлыча ялга кайткан Ильшат Вәлиуллин белән очрашу кичәсе булып узды.
Ильшат Нургали улы Төньяк Кавказ төбәге сугыш хәрәкәтләрен ( Чечня) үз җилкәсендә татый. Китаплардан укып белгән, кинолардан гына күргән сугыш утын шушында кичә бу тыйнак егет. Бу юлы да хәрби операциядә катнашуын үзенең ватанга бурычы дип санап, иптәшләрем хакына, дип китә ул.
- Сез үскәндә иң мөһиме дөньялар тыныч, күк йөзләре аяз булсын иде, - дип теләде ул, балаларга мөрәҗәгать итеп, очрашу ахырында.
Без дә, солдат егеткә сәламәтлек, гаиләсенә сабырлык теләп калабыз. Дөньялар тынычланып, кабаттан күрешергә язсын!
Зөлфия Ибраһимова.
Следите за самым важным и интересным в Telegram-каналеТатмедиа
Нет комментариев