Мәктәп баласы, тынычлыкта китап укыр өчен, законсыз рәвештә ил чиген узган

Чик сакчылары идарәсе матбугат хезмәте хәбәр итүенчә, Россия-Абхаз чик сакчылары кемнеңдер  Псоу елгасын йөзеп чыгуы һәм шул рәвешле чикне кичүен күргәннәр һәм елганың икенче ярында, закон бозучыны тоткарлаганнар. Тоткарланган кеше — Абхазия гражданины 14 яшьлек мәктәп укучысы булып чыккан. Тоткарлаганда каршылык күрсәтмәгән, һәм үзенең гамәлен бары тик тынычлыкта, табигать кочагында яраткан китабын укыйсы килү теләге белән аңлаткан. Укучыны бернинди җәзага да тартмыячаклар.  Чөнки Россия законнары буенча, ул әле җаваплылыкка тартылу яшенә җитмәгән.