Республикада ул 46 мең гектар мәйданда чәчелгән.
Быел Татарстанда карабодай республикага җитәрлек күләмдә генә чәчелгән. Татарстан Премьер-министры урынбасары – авыл хуҗалыгы һәм азык-төлек министры Марат Әхмәтов “Татар-информ” хәбәрчесенә шулай дип белдерде.
“Карабодай мәйданнары үткән елгы дәрәҗәдә. Былтыр бәясе бик начар булды инде. 5-6 сумга кадәр төшеп бетте. Быел нәрсә булыр. Әле эшкәртелмәгән, сатылмаган үткән елгы карабодай запасы да бар. Быел аның күләме республика ихтыяҗларын канәгатьләндерерлек кенә”, - диде министр.
Марат Әхмәтов карабодай ярмасының 46 мең гектар мәйданда игелүен әйтте.
Фото: Рамиль Гали
Иң мөһим һәм кызыклы язмаларны Татмедиа Telegram-каналында укыгыз
