Теләче Информ

МЧС татарстанлыларны һава торышы бозылганда саклык чаралары турында искәртә

Республикада иртәгә иртән һәм көндез көчле җил һәм буран көтелә.

МЧС татарстанлыларны һава торышы бозылганда саклык чаралары турында искәртә. Бу хакта Татарстан Гидрометеорология һәм әйләнә-тирә мохитне күзәтү идарәсенең матбугат хезмәте хәбәр итә.

Татарстан Гидрометеорология һәм әйләнә-тирә мохитне күзәтү идарәсе хәбәре нигезендә, республикада иртәгә иртән һәм көндез көчле җил һәм буран көтелә. Юлларда бозлавык һәм кар көртләре хасил булуы мөмкин.

Һава шартларының бозыла башлавы юл хәрәкәтендә шактый җитди куркыныч тудыруы күзаллана. Машина йөртүчеләргә хәрәкәт зур булган урыннарда, мәктәп яннарында, урам чатларында һәм күперләрдә куркынычсыз тизлек сакларга, шулай ук кинәт кенә тормозга басмаска һәм икенче юлга чыкмаска киңәш ителә.

Реклама

Җәяүлеләргә юлны махсус билгеләнгән урыннардан гына чыгарга кирәк. Хәрәкәт итүче транспорт алдыннан юлдан йөгереп чыгу ярамый. Шулай ук киемгә махсус яктырткыч элементлар тагу киңәш ителә.

Фото: архив/Рамиль Гали

https://tatar-inform.tatar

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: