Кемдер китә, кемдер кайта...

“Матбугат.ру” инстаграм битендә бик хисси видео урнаштырды. Солдат егет әнисе янына кайта. Артта дуслары баян тотып озаталар. Кочаклашу, чәчәкләр, күз яшьләре... Видеодагы солдат – безнең райондашыбыз Ильяс Фәрхуллин. Теләче егете шушы көннәрдә армия хезмәтеннән әнә шулай кайткан.

Бу видео инстаграмда укучыларны битараф калдырмады. Комментарийларда алар болай дип яза: “Мурашки! Пусть все солдаты возвращаются”, “Ай, күзгә яшьләр тулды”, “Сөбханаллаһ, сөенечле мизгелләр”, “Бар солдат та исән-имин булып туган йортларына кайтсыннар”...

Солдат Ильяс Фәрхуллин – үзе дә иҗади егет. Музыкант, баянчы, гармунчы, курайда уйный, каләм дә тибрәтә. “Матбугат.ру” бу видео уңаеннан Ильясның үзен дә сораштырган. 

“Әнкәемнең исеме Язилә. Хәрби-диңгез флотында хезмәт иттем. Иң зур авырлык - сагыну, юксыну хисе иде. Вокзалда әткәй, дусларым каршы алды, ә әнкәй нигездә каршы алды”, - дип сөйләгән Ильяс.

Матбугат