Мини-футбол уйнаучы егетләребез җиңүчеләр исемлегендә
2021 елның 18-19 март көннәрендә Алексеевскида 2010-2011 елларда туган егетләр арасында мини-футбол буенча Татарстан Республикасы Кубогының финал этабы узды.
Финал этабында Чистай, Казан, Алабуга, Алексеевск №1, Алексеевск №2, Теләче командалары катнашты.
Безнең районны, Теләче муниципаль районы мәктәпкәчә белем бирү педагогы Рөстәм Габделгазиз улы Хәбиров җитәкчелегендә, Теләче урта мәктәбеннән егетләр тәкъдим итте (команда составы: Абдуллин Самир, Хәбибрахманов Азат, Мөликов Данияр, Бәйрәмов Таһир, Ибраһимов Илназ, Әхмәтвәлиев Адель, Сәлахов Илсаф, Мөхәммәтшин Ралиф, Гыйниятуллин Илдан, Мортазин Камил, Хәбибуллин Тимур).
Уеннар әйләнеш системасы буенча узды. Безнең егетләр, Казан һәм Чистай командаларына оттырып, 3 нче урынны яуладылар.
Следите за самым важным и интересным в Telegram-каналеТатмедиа
Нет комментариев