Интернетка коллектив керү пунктлары башка элемтә ысулы булмаган кечкенә торак пунктларда гына калачак.

Россиядә 2016 ел ахырында интернетка коллектив керү пунктлары барысы да диярлек ябылачак, бу цифрлы тигезсезлекне бетерү программасын финанслау күләме җитмәү сәбәпле башкарыла, дип белдергән журналистларга Россия элемтә һәм массакүләм коммуникацияләр министры Николай Никифоров. Бу хакта "ТАСС" яза.

"Финанслау җитмәү сәбәпле, 2016 ел ахырында интернетка коллектив керү пунктлары барысы да диярлек ябылачак дип уйлыйм", - диде ул һәм карар һәр пункт буенча аерым кабул ителәчәк дип ачыклык кертте. Интернетка коллектив керү пунктлары башка элемтә ысулы булмаган кечкенә торак пунктларда гына калачак диде министр.

Татар-информ