29 октябрь- Комсомол туган көне

Без - Комсомол!
Комсомолның туган көне бүген!
Керсез яшьлегемнән бер аваз.
Шул чактагы беркатлылык хәзер
Кире кайтса иде,тик бераз

Устав ятлап, куркып йөргән көннәр...
Керә алмам,- диеп уфтану.
Сорауларга дөрес җавап биргәч,
Башкаларга сөйләп мактану.

Значогын түшкә кадап куйгач,
Горур басып, атлап чыгулар.
Взносына ике тиен түләп,
Билетына мөһер сугулар.

Без - Комсомол! Монда инде, дустым,
Гел дөресен сөйләп йөрисе!
Өмәсен дә калдырасы түгел,
Кирәк булса, карын көрисе!

Зарланмаган, эштән курыкмаган,
Безнең заман - хәйран калырлык!
Һәрбер адым - үлчәнелгән,төгәл.
Һәр эшебез үрнәк алырлык!

Сирәгәеп бара горур сафлар,
Яңа буын килә алмашка.
Үзәгебез ныгып калган чорны,
Ничек инде искә алмаска?!

Безнең хәтер - олы сандык кебек,
Шыплап тулган, ачсаң - коела
Без - Комсомол! Иң- иң бәхетлеләр,
Миңа һәрчак шулай тоела!

Фото: Сиренә апаның шәхси архивыннан.