Сертификатлар тапшырдылар

Габделхак Госман улы әйтүенчә, ике атналык махсус курслар Татарстан Республикасы Авыл хуҗалыгы һәм азык-төлек министры приказы нигезендә бушлай үткәрелгән. Монын тыш, ул чарада катнашучыларга киләчәк эшләрендә уңышлар теләп: “Сертификатларның игелеген күрергә, районның икътисадын алга җибәрергә һәм авыл кешесенең, авыл хуҗалыгы предприятиеләренең ныклы терәге булырга язсын”, -  диде. Лекцияләрне исә Казан ветеринария академиясе галимнәре укыган.Теоретик дәресләр район ветеринария берләшмәсенең уку сыйныфларында уза, практик күнекмәләрне  курсантлар җаваплылыгы чикләнгән “Таң” ширкәте терлекчелек комплексында алганнар. Дәресләр вакытында ветеринария фельдшерларына, крестьян-фермер хуҗалыклары җитәкчеләренә терлекчелектә иң һәһәмиятле булган сыер бозаулату, терлеккә система кую, сыер каплату, ясалма орлыкландыру, тояк чиренә каршы көрәш кебек элементар гамәлләргә төшендәргәннәр. Чара вакытында Олы Мәтәскә авылыннан килгән крестьян-фермер хуҗалыгы җитәкчесе Илнур Фатыхов  курсларның бик вакытлы һәм урынлы булуын билгеләп үтте. “Авылда туып-үсеп, гомер терлек асрап яшәсәк тә, без белмәгән әйберләр дә күп икән. Безгә белем биргән укытучыларга һәм бушлай белем алу мөмкинлеге биргән аграр министрлыкка рәхмәттән башка сүз юк”, - диде ул.

Фәнил Гаязов.