“Тату гаилә”

Бәйрәмдә 14 гаилә катнашты. Балалар әтиләренә, әниләренә багышлап шигырьләр сөйләделәр, җырлар җырладылар, биюләр бүләк иттеләр. Кичәнең икенче өлеше төрле ярышлар белән үтте. Әти-әниләр ике командага бүленеп “Сазлыктан чыгу”, шар шартлату, шарны аяк белән этеп билгеле араны үтү, әниләр арасында шакмак алу буенча җитезлектә ярышу, әтиләр арасында иң күп акча җыю ярышларында катнаштылар, сорауларга җаваплар бирделәр, мәкальнең ахырын әйттеләр , “Шалкан” әкиятен яңача сәхнәләштерделәр.