Төп приз - Бозауны хуҗасына тапшырдык
Инде язып узганыбызча, 29 июль көнне, Баландыш авылында узган “Түгәрәк уен” чарасында, “Теләче” район газетасына язылучылар арасында бүләкләр уйнаттык.
Әлеге “Языл һәм бүләк от” акциясендә катнашырга теләк белдерүчеләр саны 600 дән артык булды. Акциядә уйнатылучы Төп призыбыз – Баландыш авылыннан Гайнетдиновлар гаиләсенә чыкты. Бүген, нихаять, әлеге приз – Бозауны хуҗасына тапшырдык. Бүләкнең быелгы иганәчесе – “Чулпан” агрофирмасы җитәкчесе Мәрданов Рузәл Әбелкарам улы. Аңа чиксез рәхмәтләребезне җиткереп, эшләрендә уңышлар, ныклы сәламәтлек, гаиләсендә тигезлек теләп калабыз!
Ә инде, кемнәр әлеге бәйгедә бүләк отмаган – кайгырмасыннар - алда әле безне яңа бәйгеләр, яңа чаралар көтә. Сезне тагы да актив
булырга чакырып калабыз!
Зөлфия Ибраһимова.
ТАТМЕДИА АҖ Реклама “marker”: 2Vtzqx4t1zW
Следите за самым важным и интересным в Telegram-каналеТатмедиа
Нет комментариев