Дөрес төчкерәсеңме?

Ведомствода искәртүләренчә, төчкерү организмның аллергия, вируслы инфекцияләр, тузан яки хәтта көчле яктылык тәэсирендә барлыкка килә торган табигый саклану реакциясе булып тора. Бу рефлекс сулыш юлларын чистартырга ярдәм итә, әмма грипп, ОРВИ һәм коронавирус таралу чорында әйләнә-тирәдәгеләрне куркыныч астына куймас өчен гигиена кагыйдәләрен үтәү мөһим. 

Табиблар төчкергәндә авызны һәм борынны бер тапкыр кулланыла торган тастымал белән капларга киңәш итә, аны шунда ук ташларга, ә кулларны яхшылап юарга кирәк. Әгәр дә тастымал кул астында булмаса, терсәгеңне бөкләп төчкерү яхшырак, шул ук вакытта читкә борылырга яки куркынычсыз арага китәргә кирәк. Уч төбенә төчкерергә катгый киңәш ителми, чөнки бу инфекцияләр таралуга ярдәм итә - мондый очракта рефлекстан соң кичекмәстән кулларны юарга яки аларны антисептик белән эшкәртергә кирәк.

Чыганак:казанкп