Казанда мәдәни мирас объекты сатыла

Мәйданы 1,5 мең квадрат метр булган өч катлы бинаның бәясе 700 миллион сум тәшкил итә. Сатучы төзелешне «Грандотель»тарихи исеме белән кунакханә итеп кулланырга тәкъдим итә. Беренче катта җәмәгать туклануы йортлары өчен яраклы торак булмаган биналар, икенче һәм өченче катта торак фатирлар урнашкан. Белдерүдә ачыкланганча, объект эксплуатациягә кертелгәннән соң бина статусын кунакханә, апарт - яки бутик-отель урнаштыру өчен торак булмаган урынга үзгәртергә мөмкин. 

XIX гасыр уртасында төзелгән йорт революциягә кадәр «Никольский номерларында», ә аннары «Грандотельдә» кунакларны кабул иткән. Башта бина бер катлы булган, ике өске катны XX гасыр башында өстәп төзегәннәр. Совет чорында биредә торак фатирлар урнашкан, ләкин 2010 елгы янгыннан соң йортны күчергәннәр һәм консервацияләгәннәр. Тагын бер янгын 2017 елда булган.

Чыганак:татаринформ.