Артык борчылу анемиягә китерә

Анемия (азканлылык) - мәкерле чирләрнең берсе. Хәлсезлек, бернәрсәгә күңел ятмау, тиз ару, баш әйләнү, йөрәк авырту - барысы да анемия билгеләре.

Авыртуны булдырмау өчен ашау рационын ныклап үзгәртү мөһим. Кабак кушып пешерелгән бодай яки кукуруз боткалары, җиләкләр, виноград, банан, карбыз, кәбестә һәм әстерхан чикләвеген ашау бик файдалы. Ә менә шикәр һәм крахмалга бай ризыкларны аз күләмдә кулланырга кирәк. Халык медицинасыннан берничә киңәш:

*Бер стакан кайнар суга бер уч йөзем җимеше салып, төнгә калдырыгыз. Иртән караваттан да тормыйча, йөземнәрен ашап, суын эчегез.

*Бер ай дәвамында көн саен иртә белән ач карынга 100 грамм уылган кишергә каймак яки үсемлек мае салынган салат ашагыз.

*Хәлсезләнеп, күңел бернигә ятмаган вакытта ашар алдыннан бал белән сарымсак кабып куюның ярдәме тияр.

Әлеге киңәшләрне куллану алдыннан, табиб белән киңәшләшү зарур.

Чыганак: https://vk.com/salamtlek