Кырмыскадан котылу ысулы

Быел җәй өебезне вак кырмыскалар басып алды. Алардан котылуның бер җиңел ысулын таптым. Моның өчен нашатырь спирты кирәк була. Ул кырмыскаларны үтерми, ә куркыта гына. Моның өчен 1 л суда 100 мл нашатырь спиртын болгатырга һәм кырмыска «аягы баскан» бөтен җиргә сиптереп чыгарга кирәк. 15 минуттан кешенең борыны әлеге искә ияләшә, ә кырмыскаларга бу ис бер дә ошамаганлыктан, алар чыгып китү ягын караячаклар. Әлеге ысулны берничә тапкыр кулланганнан соң, өйдә кырмыскаларның эзе дә калмады.

Чыганак: https://vatantat.ru/2022/09/90889/

Фото: интернеттан