"Батыр" спорткомплексында мини-футбол буенча район Беренчелеге булып узды

22 март көнне «Батыр» спорткомплексында 2011-2013 елларда туган яшүсмерләр арасында мини-футбол буенча Теләче муниципаль районы Беренчелеге булып узды. Командалар әйләнеш системасы буенча уйнадылар. Уен нәтиҗәләре буенча 1 урынны - Теләче №1 командасы, 2 урынны-Үзәк урта мәктәбе, 3 урынны-Теләче №2 командасы яулады. Командалар дипломнар һәм медальләр белән бүләкләнде.

23 март көнне «Батыр» спорт комплексында 2007-2008 елларда туган яшүсмерләр арасында мини-футбол буенча Теләче муниципаль районы Беренчелеге булып узды. Ярышларда Теләче,Олы Мишә, Олы Нырсы, Сауш,Олы Мәтәскә, Үзәк мәктәпләре командалары катнашты. Уен нәтиҗәләре буенча 1 урынны - Теләче урта мәктәбе, 2 урынны - Олы Мишә урта мәктәбе,3 урынны - Теләче урта мәктәбе “Алга” командасы яулады.