Чаллыны комплекслардан арындырырга уйлыйлар

Чаллыдагы комплекслар гамәлдән чыгарыла, алар урынына хәзер илнең башка шәһәрләрендәге кебек урамнар булачак.

«Чаллыда әлегә кадәр йортларның төзелеш адреслары буенча ориентлашырга кабул ителгән, һәм ике адресация гамәлдә, бу традиция белән саубуллашырга, комплекслардан арынырга вакыт», — дигән тәкъдим бар.

Исегезгә төшерәбез, Чаллыда торак микрорайоннар комплекслар дип атала. Шәһәрдә икеләтә адресация эшли. Һәр йортның урам буенча номеры бар (бу адрес паспортта теркәү графасында языла) һәм төзелеш адресы ("комплекс буенча адрес"). Чаллылылар төзелеш адресларыннан ешрак файдалана һәм сирәк очракларда шәһәр кешесе үз адресын урам буенча белә.

Чыганак: Челны-ТВ24