Волейбол буенча ачык турнирда Теләче командасы җиңүчеләр исемлегендә

Барлыгы 9 команда катнашкан әлеге турнирда Теләче районы данын яклап, тренерлар Шәяхмәтов Ш.А., Габделхаев Р.Х. җитәкчелегендә Теләче, Олы Мәтәскә, Иске Җөри  һәм Шәтке урта мәктәбе егетләре һәм кызлары катнашты.

Турнирда Кукмара, Әтнә, Арча, Теләче районнарыннан 5 егет һәм 4 кыз командасы катнашты.
Ярышлар, катнашучылар командаларына карап, гамәлдәге уен кагыйдәләре һәм ярышлар уздыру регламенты нигезендә үткәрелде.
Уен нәтиҗәләре буенча Теләче районы кызлар командасы 3 нче урынны, егетләр командасы 4 нче урынны яулады.

Кызлар һәм егетләр командасын котлыйбыз, киләчәктә волейбол буенча югары спорт казанышлары телибез.