Новости со всего света
Июль аенда Төркиянең көнчыгышында боз яуган
Боз Ардаган провинциясенең кайбер урыннарында хуҗалыкларга шактый зыян салган.
Кичә Төркиянең көнчыгышында Ардаган провинциясендә боз яуган. Бу хакта “Анадолу” агентлыгы хәбәр итә.
Ардаганда Ататөрек районы хакимияте башлыгы Ибраһим Озер “Анадолу” агентлыгына көчле яңгырдан соң боз явуын хәбәр иткән.
“Боз провинция халкы мөлкәтенә шактый зыян салды”, - дигән Озер.
Җирле халык зыянны кайтару максатыннан тиешле инстанцияләргә гозер белән мөрәҗәгать итәргә ниятли.
Синоптиклар Карс, Агры, Эрзерум, Игдыр һәм Ардаган провинцияләрендә көчле һәм яшенле яңгырлар фаразлый.
Фото: соцсети
Следите за самым важным и интересным в Telegram-каналеТатмедиа
Нет комментариев