Казанда тхэквондо буенча дөнья чемпионаты старт ала

Әлеге мәртәбәле бәйгедә дөньяның 25 иленнән 350дән артык спортчы катнаша. Россия данын яклаучы 164 спортчы арасында Татарстаннан да 8 кеше бар.

Ярышларның тантаналы ачылышы 15 июльгә билгеләнгән. Ул "Ак Барс" көрәш сараенда 13:00 сәгатьтә башлана. Көч сынашулар да шул ук көрәш сраенда - 15,16 һәм 17 июльдә (9:00-20:00 сәгатьләрдә) үткәрелә. Моннан тыш 18 июльдә спортка беренче адымнарын ясаучылар арасында ярыш - төсле билбау фестивале дә уза. Анысында 6 яше тулган балалар кертелә.