Мәктәпләрдә өй эшләрен бетерәчәкләр?..

Чернышев сүзләрен “Москва” агентлыгы китерә: “Дөньядагы барлык мәктәпләрдә өй эшеннән әкренләп баш тарталар, һәм монда бернинди куркыныч нәрсә дә юк”, – ди депутат.

Парламентарий сүзләренә караганда, мәктәп укучыларына бик күп эш йөкләнә, алар шуңа укуга карата кызыксынуларын югалталар. Өстәвенә, дәресләрдән тыш эшләрнең, шул исәптән өй эшләренең дә баланың сәламәтлегендә тискәре йогынтысы сизелә, дип яза "Бизнес Онлайн".

“Аларның дәреслекләр кочаклап утырасы, баш күтәрмичә ниндидер эш башкарасы яки аларның организмы өчен чираттагы йөк булган эшчәнлек белән шөгыльләнәсе килми. Бер яктан, белем алуны кызыклы итәргә, икенче яктан, балаларга ялга да вакыт бирергә кирәк. Чөнки алар футбол уйнарга, саф һавада вакыт уздырырга вакыт та таба алырга тиеш”, – дип билгеләп үтте депутат.

Миләүшә Халикова.

Фото: pixabay.com/ru

http://baltaci.ru/news/m%D3%99garif/mktplrd-y-eshlren-beterchklr