"Ак Барс" хоккейчылары чираттагы җиңүен яулады

Казанның "Ак Барс" хоккейчылары Континенталь хоккей лигасы даими чемпионатының чираттагы матчында Братиславаның "Слован" командасын отты.

Кичә кич Братиславада узган матч Казан командасы файдасына 6:3 (1:1, 2:1, 3:1) исәбенә төгәлләнде. "Ак Барс"тан алкаларны Джастин Азеведо (6 һәм 44 нче минут), Михаил Глухов (25 нче минут), Иржи Секач (31 һәм 51 нче минут) һәм Дмитрий Архипов (43 нче минут) кертте. "Слован" составында Юрай Микуш (19 нчы минут), Симон Депре (25 нче минут) һәм Радек Смоленяк (46 нчы минут) уңышка иреште.

22 сентябрьдә "Ак Барс" Тольяттида "Лада" белән очраша.

Татар Информ