Эмиль Гарипов «Ак Барс» белән Казахстан Президенты Кубогына юл тотачак

«Ак Барс»ның капкачысы Эмиль Гарипов команда белән бергә Казахстан Президенты Кубогына сезон алды турнирына китә. Хоккейчы имгәнү сәбәпле ярты ел уйнамады.

«Бозга чыгаммы-юкмы, әйтә алмыйм, моны тренер хәл итәчәк. Хәзер хәлемне начар дип бәялим. Мин алты ай буе спортта катнаша алмадым, әлегә кондициягә керәм. Эшләгән күнегүләрне искә төшерергә тырышам, озак вакыт үтте бит», - диде Гарипов.

• Казахстан Республикасы Президенты Кубогы 7-11 августта Нур-Солтанда узачак.
• «Ак Барс»тан тыш, анда җирле «Барыс», Уфаның «Салават Юлаев», Екатеринбургның «Автомобилист» һәм Түбән Каманың «Нефтехимик» командалары уйнаячак.

Фото: архив/Ильнар Тухбатов

https://tatar-inform.tatar