Хавьер Грасиягә сезон азагына кадәр мөмкинлек бирелгән

"Рубин" футбол командасының баш тренеры булып кимендә сезон азагына кадәр Хавьер Грасия калачак.

Клуб җитәкчелеге Испания белгеченең яңа команда төзүен аңлый һәм нәтиҗә күрсәтү өчен кимендә бер сезон вакыт бирергә дә әзер. Бу хакта "Известия" язып чыкты.

- Инде кат-кат искәртелгәнчә, безнең проект озак вакытны үз эченә ала, - дип белдергән клубның матбугат хезмәте җитәкчесе Михаил Степанов. - Клубта эшлекле вәгзыять хөкем итә. Команданы җиде турда төзеп булмаганын барыбыз да аңлый. Баш тренер турында зурдан кубып аңлатма бирерлек җирлек юк.

Исегезгә төшерәбез: соңгы 10 елда 9 команданы алыштырырга өлгергән тренер белән Казан клубы 4 елга килешү төзеде.

Интертат