12 декабрь – Россия Конституциясе көне. Бәйрәм белән!

Хөрмәтле райондашлар! Сезне иң төп дәүләт бәйрәмнәренең берсе - Россия Федерациясе Конституциясе көне уңаеннан ихлас котлыйбыз.

Конституция - иң югары юридик көчкә ия иң мөһим документ. Төп Законыбыз күпмилләтле Федерациянең ныгуында, илебезнең сәяси-икътисадый тотрыклыгын тәэмин итүдә, дәүләт идарәсен һәм җирле үзидарә институтының ныгуы өчен ныклы нигез барлыкка китерүдә хәлиткеч роль уйнады. Конституция илдәге хокук системасының үзәге булып тора һәм башка законнарның мәгънәсен, эчтәлеген билгели. Илдәге Законны белү һәм аннан дөрес итеп файдалану - бүгенге замана таләбе. Төп Законны белү тормышның сыйфатын яхшыртырга ярдәм итә. Күмәк иҗади хезмәтебез һәр кешенең Конституция тарафыннан якланган хокукын һәм иреген якларга ярдәм итәр дигән ышаныч бар. Һәркайсыгызга нык сәламәтлек, иминлек, бәхет телибез.