Балам ким түгел лә!..

автор, 16 июль 2018 - 20:03

1422

Апаста яшәүче Альбина әнә шулай дип җан авазын җиткерә. Кызы Раинаны ничек тә бәхетле итәсе килә аның. “Һәр әни дә баласы сәламәт булса гына бәхетле. Тик минем очракта алай булып чыкмады. Көтеп алган сабыем авыру туды, – ди ул. – Табиблар, кислород җитмәү, диләр. Әнә шуңа да аның акыл үсешенә дә, аяк-кулына да зыян килгән. Башка кислород килмичә тору күп кенә нерв күзәнәкләренең үлүенә китергән”

Сабый өч ай үткәч тә башын тота алмагач, Имаметдиновлар гаиләсе кая гына бармый. Күренмәгән табиблары, йөрмәгән өшкерүчеләре, күрәзәчеләре калмый. Тик берсе дә уңай нәтиҗә бирми. Бала һаман беркилеш тора, алга китеш юк. Озакламый җиде яшен тутырса да, сөйләшә дә алмый, хәтта йомышларын да үзе үтәми.

– Бала авыргач, гел өйдә булдым. Әле ярый каенанам Мәдинә бар. Ул бик ярдәм итә. Раинага өч яшь тулгач, эшкә чыктым. Аннары икенчесен алып кайттым. Хәзер яшь ярымлык кызым бар. Без хәзер өчебез өйдә утырабыз. Тормышны алып бару ирем җилкәсендә. Әле дә ул бар дип сөенәм. Өйдә утырсак та, тик тормыйбыз. Балага күнегүләрне үзем ясатам. Әмма ЛФК, массаж булса, бөтенләй башкача инде ул. Әле, шөкер, Раина үзе йөри ала. Тик утырса, тора алмый. Сөйләшмәвенә, аң үсеше тукталып торганга борчылам, – дип сөйли Альбина. – Каенанамнар фатирда яши. Килен булгач, бергә тордык. Күптән түгел район ярдәме белән йорт төзеп чыктык. Монда Раина өчен бик уңайлы, җайлы. Зур өебез булганга үзебез дә ышанып бетмәдек әле. Дәвалану гел акчага килеп тоташа. Татарстан, Россия табиблары бернинди өмет тә бирми. Ә менә чит илдәге бер тернәкләндерү үзәге үзенә чакыра. Мин аларга баламның диагнозын аңлатып яздым. Алар күңелемә ышаныч кертте.

Тик ул клиника 700 мең сум сорый икән. Әлеге гаиләнең аның кадәр акчасы юк. Шуңа да алар мәрхәмәтле кешеләрдән ярдәм сорый. “Бергә бәби тапкан хатыннарның балалары быел укырга бара. Минем дә кызымны мәктәптә укытасым килә. Кызым башкалардан ким түгел лә! Көз айларын күңелем тулып көтәм. Әгәр сау-сәламәт булган булса... дип уфтанам. Тик бернишләп булмый. Күрәчәктер, безнең гаиләгә килгән бер сынаудыр дип тынычланам. Әмма күңелем ышана, кызым савыгачак!”

Раина Имаметдиновага булышырга теләүчеләр өчен исәп-хисап реквизитлары:

Реквизиты ПАО Сбербанк

Банк получателя: доп. офис № 8610/0631 ПАО Сбербанк

Кор/счет банка: 30101810600000000603

БИК банка: 049205603

Счет получателя: 40817810162002588240

ФИО получателя: Имамутдинов Раиль Равилович

Номер карты: 4817 7600 0941 8280

Реквизиты ПАО “АК БАРС” банк

Банк: ПАО “АК БАРС” банк г. Казань

БИК: 049205805

К/сч: 30101810000000000805