Биектау районында һәлакәттә ике кешенең гомере өзелгән...

Барысына да җиңел машинаның барган вакытта капоты ачылып китү сәбәпче булган.

Биектау районында кичәге юл-транспорт һәлакәте ике кешенең гомерен өзгән. Күңелсез хәл иртәнге сәгать 7 тулып киткәч булган.

Һәлакәт нечкәлекләре турында "Челны ЛТД" язуынча, гадәттән тыш хәл Казан - Дөбъяз юлының 24 нче чакрымында булган. "Лада Калинаның тиешенчә ябылып бетмәгән капоты хәрәкәт вакытында ачылып китә. Йөртүче күз күремен югалта һәм машина каршы як хәрәкәт полосасына чыгып, "Газель" белән "маңгайга-маңгай" бәрелешә.

Һәлакәт аркасында җиңел машинадагы ике кешенең гомере өзелгән, диелә.

Хәсрәт килгән гаиләләрнең тирән кайгысын уртаклашабыз.

Интертат