Иҗаты дәвамлы булсын

admin, 19 апрель 2025 - 17:08

645

Бүген Урта Мишә авылы клубында районыбызның танылган шагыйрәсе, «Теләче» газетасының актив хәбәрчесе Дамира Миңнебаеваның «Язсын иде туган җирләремдә үткәрергә гомер көзләрем» дип исемләнгән иҗат кичәсе булып үтте.

Райондашларыбыз аны Олы Мишә авылы балалар бакчасы мөдире буларак та белә. Дамира ханымның гомер бәйрәме уңаеннан үткәрелгән чарада авылдашлары, хезмәттәшләре, укучылары һәм сабакташлары катнашты.

Юбилярның шигырьләре, җырлары белән үрелеп барган кичәдә муниципаль райое башкарма комитеты җитәкчесенең социаль мәсьәләләр буенча урынбасары Динар Гыйниятуллин, муниципаль район Советының оештыру бүлеге җитәкчесе Рафаэль Яруллин, Баландыш авылы җирлеге башлыгы Рөстәм мөхәммәтшин катнашты һәм чыгыш ясады.