Игенчеләребез «экватор сызыгы»нда

Тулаем икмәк җыены 44976 тонна тәшкил итә. Һәр гектардан җыеп алынган иген уңышының уртача чыгышы 38,9 центнер. Иң күп уңыш – «Алан» акционерлык җәмгыятендә. Әлегә биредә бөртеклеләрнең һәр гектарыннан уртача 46,8 ц уңыш җыеп алганнар.  Шунсы игьтибарга лаек, әлеге хуҗалыкның игенче- механизаторлары да бүген «экватор сызыгы»на җитте. 

Уңыш муллыгы буенча икенче позициядә «Август – Теләче» ширкәте игенчеләре. Биредә һәр гектардан җыеп алынган уртача уңыш күләме 46,1 ц тәшкил итә. Өченче урында  – «М.Х. Низамов» крестьян- фермер хуҗалыгы игенче – механизаторлары. Баландышлылар быелгы уракның 73% ын төгәлләде инде. («Август-Теләче» ширкәтендә бу күрсәткеч – 62%)

Район авыл хуҗалыгы һәм азык-төлек идарәсе тарафыннан 16 августка алынган мәгьлүматлар буенча районда арыш урагы тәмам. Борчак мәйданнарының 80%ы суктырып, җыеп алынган. Җыеп алынасы көзге бодай культурасы да санаулы гектарларда гына калган. Арпа мәйданнарының 45%ы суктырылган. Һәр гектардане җыеп алынган арпа уңышы 34 ц тәшкил итә. 

Дүшәмбе, ягьни 18 август көнн, районыбыз хуҗалыклары көзге чәчүгә керешәчәк. Игенче -механизаторларыбыз алдында 7400 гектар мәйданда көзге чәчү эшләре башкарып чыгу бурычы тора. Шуның 1700 гектары – арыш, 5700 гектары көзге бодай культурасына туры килә. 

Районыбыз кырларында урак белән бергә, мөһим агрочара – төп эшкәртү эшләре дә бара. Әлегә район буенча планга карата эшнең үтәлеше – 14%. «Алан» акционерлык җәмгыятендә бу күрсәткеч 30%.

Фәнил Гаязов.