Үзенең сәнгатькә гашыйк талантлы халкы, тарихи урыннары белән дан тоткан Олы Нырсы авылында, «Милли кухня традицияләрен торгызу — мәдәни күптөрлелеккә юл» дип исемләнгән, «Ура, авылга!» проекты кысаларында, чираттагы җылы һәм күңелгә ятышлы осталык дәресе узды.
Балалар остазлары – Айсинә апаларының киңәшләрен тыңлап, үз куллары белән, татар халкының милли ризыгы - чәк – чәк пешерделәр. Аш – су әзерләү серләренә төшенделәр, төрледән - төрле сорауларга җавап биреп истәлекле бүләкләргә ия булдылар. Ахырдан, үзләре пешергән чәк – чәк белән әйдәман апаларын, әти – әниләрен, кунакларны сыйладылар.
Димәк, РСФСРның атказанган сәүдә хезмәткәре, Ленин һәм Халыклар дуслыгы орденнары кавалеры, татар ашларын дөньяга таныткан легендар аш-су остасы, якташыбыз Юныс Әхмәтҗановка лаеклы алмаш үсә!
Нет комментариев