Шигырьләремдә - туган ягым

29 октябрь 2026 - 10:49 Автор:

admin

Бүген сезгә бәйгегә килгән алдагы шигырьне тәкъдим итәбез.

^{Эш башы Бисмиллаһ булса, Суз башы Иншаллаһ,
Аллага тапшырдык, дисәң ,барсы да яхшы була.
Бәйрәм бүген, дуслар, әйтә алам авызымны тутырып,
Шатлан күңел, шатлан халык, рәхәтләнеп утырып.}

^{Күп тә түгел, әз дә тугел - 35 яшь! Теләчем
Котлы булсын туган көнең синең, килә диясем.
Урман кырлар, җир - сулар, басу игеннәр,
Барсы Сиңа аллаһыдан мирас итеп иңелгән.}

^{Тук башаклар басуларда бер- берсенә карашып
Якты кояш жылысында үсәләр шатланышып.
Кайчандыр сине Теләчем, таратып карадылар,
Торып бастын өр яңадан, бүлгәли алмадылар.}

^{Аерылганны аю ашар, бүленгәнне бүре дип,
Әйтемнәр дөрес булмады, барыбер оештык бит.
Районыбыз киләчәктә үз юлыннан тайпылмас
Ифрат илһамлы халык, Теләчәдән аерылмас.}

^{Районның бәхәсез хәзинәсе - якташларыбыз,
Галимнәре, язучылары - санап бетергесез.
Муллыкны аңлата Теләче Герб тәлинкәләре,
Берсендә ашлык, хәзинә һәм алтын тәңкәләре.}

^{Күршеләрең Балык Бистәсе, Питрәч, Арча, Саба, Мамадыш,
Балкыйсын урталарында, бу бик матур куренеш!
Республика " йөзек кашы"- диясе килә Сиңа,
Озакламый шәһәргә дә әйләнерсең, Иншаллаһ !!!}

^{Лера Хуҗина, Сауш - Теләче.}