Татарстанда гошер җыю кампаниясе башланды

Гошер җыю эшенә якын арада республиканың барлык үзәк мәчетләре дә кушылачак. Гошер җыю кампаниясе барышында теләгән һәр кеше үз хуҗалыгында җыеп алынган уңыштан мохтаҗларга өлеш чыгара ала. Мәчетләрдә бәрәңге, кәбестә, кабак, ташкабак, аш чөгендере, кишер, суган, алма, слива кебек яшелчә һәм җиләк-җимешләр, шулай ук бал кабул ителә. Җыелган азык-төлек бердәм рәвештә мохтаҗларга һәм аз керемле гаиләләргә таратылачак.