Авыл мәхәлләсе өчен имам һәм абыстай сайлау җыены узды

Җыенда  Теләче мөстәхибәте имамы Исмәгыйль Фәләхиев, хуҗалык җитәкчесе Алмаз Фәсхединов, авыл  халкы катнашты. Катнашучылар ачык сайлау юлы белән бер  тавыштан авыл имамы итеп  Искәндәр Шакировны  һәм аның ярдәмчеләре итеп  Ирек Фазылҗанов, Айрат Габделвалеев, Нурислам Гыйльманов, Мансур Хабибуллинны сайлады. Алан  авылы абыстае итеп Гөлсинә Гимадиева һәм аның ярдәмчесе итеп Дания  Заббарова сайланды.