“Балачак бакчасы” барлыкка киләчәк
Белгечләр Әлмәт хастаханә шәһәрчегендә төзелеш эшләренә керештеләр. Алар балалар шәһәр хастаханәсе территориясендә башланган, дип хәбәр итә Татарстан шәһәрләре үсеше институты.
Төзекләндерүнең беренче этабы кысаларында быел “Балачак бакчасы” оештырылачак - балалар өчен махсус территория, ул хастаханә паркына гармонияле интеграцияләнгән. Белгечләр биредә уңайлы йөрү юллары ясаячак, яңа үсемлекләр утыртачак.
Проект Татарстанның иҗтимагый киңлекләрен үстерү программасы буенча гамәлгә ашырыла. Узган ел бу территория уңайлы шәһәр мохите булдыру буенча иң яхшы проектлар конкурсында җиңүчеләр исемлегенә кертелмәсә дә, Рөстәм Миңнеханов ярдәме белән объектны финанслау республика бюджетын үз өстенә алды.
Киләсе этапларда өлкәннәр стационары һәм поликлиникасы территориясен төзекләндерү, ел әйләнәсендә кунак-павильон төзү һәм онкология диспансеры янындагы территорияне үстерү каралган.
Чыганак:кичке казан
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев