Биш мең кешегә автомат рәвештә картлык буенча пенсия билгеләнгән

Быел  5560 татарстанлыга картлык буенча пенсия автомат рәвештә билгеләнгән. Моның өчен шәхси гариза бирергә һәм белешмәләр җыярга кирәкми. Мәгълүматны «Госуслуги» порталында шәхси исәп-хисап счетында тикшерү дә җитә. Белешмәләрне тикшергәннән соң теләүчеләр автомат рәвештә билгеләнергә ризалыгын раслый алалар, бу хакта хәбәр татарстанлының шәхси кабинетына киләчәк. Пенсия нинди ысул белән китереләчәк –  банк яки почта бүлеге аша – һәркем үзе сайлый.

- Без дәүләт хезмәтләрен мөмкин кадәр уңайлы һәм тизрәк итәргә омтылабыз. Пенсияне автомат рәвештә билгеләү – мондый алымның ачык мисалы. Гражданинга клиент хезмәтенә килү һәм документлар җыю өчен вакыт сарыф итәргә кирәкми. Үз ИЛС мәгълүматларын тикшерү дә җитә һәм пенсия берничә сәгать эчендә рәсмиләштереләчәк, –  дип шәрехләде Россия социаль фондның Татарстан Республикасы буенча бүлеге идарәчесе Эдуард Вафин.

Вечерняя Казань.