«Эзләдем, бәгьрем, сине» җыры авторы Сәйяр Хәбибуллин вафат

Сәйяр Хәбибуллин җитмештән артык лирик әсәр авторы буларак билгеле. Аның җырларын татар эстрадасы легендалары — Илһам Шакиров, Әлфия Авзалова, Рафаэль Ильясов башкарды. Бүген аның җырлары Идрис Газиев, Роза Хәбибуллина, Илһам Вәлиев, Алинә Шәрипҗанова һәм башкалар башкаруында яңгыравын дәвам итә.

Сәйяр Хәбибуллин – Казан консерваториясен тәмамлаган, Бөек Ватан сугышында катнашкан. II дәрәҗә Ватан сугышы ордены һәм «Фидакарь хезмәт өчен» медале белән бүләкләнгән. Аның «Кыңгырау моңы», «Казан кызы», «Үз каеннарым» һәм «Эзләдем, бәгрем, сине» кебек җырлары татар эстрадасының классикасына әверелде. Композитор белән хушлашу 25 мартта Казанда булачак. 

Чыганак: кичкеказан