Көндез машина фараларын кабызмыйча йөрсәң штраф салачаклар
Көндез фаралары кабызылмаган автомобильдә хәрәкәт иткән өчен машина йөртүчегә штраф салачаклар. Штрафның күләме 500 сум тәшкил итә, дип хәбәр итте автоюрист Лев Воропаев «Татар-информ» агентлыгына.
Искәртеп үтәбез, юл йөрү кагыйдәләренең 19.1, 19.3 һәм 19.5 пунктлары нигезендә, автомобиль фарасының якын уты күз күреме җитәрлек булмаган шартларда һәм төнлә, шулай ук тоннельдә хәрәкәт иткән вакытта кабызылырга тиеш. Өстәвенә, 19.3 пункт күз күреме җитәрлек булмаса тукталыш вакытында, ә 19.5 пункт көндезге ут урынына якты вакытта транспортны билгеләү өчен якын утны кабызырга рөхсәт итә.
Шунысын да билгеләп үтәргә кирәк, 2010 елдан хәтта көндез дә хәрәкәт итүче транспорт чарасын яктылык белән билгеләү мәҗбүри. Әгәр сезнең автомобильнең көндезге утлары булмаса, якын ут һәрвакыт кабызылырга тиеш.
Тулырак: https://tatar-inform
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев